Tula

Bartolina sa Tahanan

Kinikilatis ang bawat kanto
Nitong bintana ng kwarto
Habang pinakikinggan ang kulo
Ng sariling tiyan sa gutom.

Gumuguhit sa mga alikabok ng
Salamin na naipon
Sa paglipas ng mga araw
Na hindi inalintana.

Dumudungaw sa kaunting espasyo
Ng kalayaan
Para matanaw ang mundo sa labas.
Sinisipat ang kaunting pag-asa
Habang tinitiis ang dalamhating
Dulot ng kagipitan.

Walang magawa kung hindi
Maghintay.
Walang magawa dahil walang
Kita.
Walang magawa dahil gustong manatiling
Buhay sa gitna ng pandemya.

Sa bartolina ng sariling
Tahanan,
Kami ay
mangamamatay.


Si Jomarie A. Vicente ay isang manunulat mula sa Lungsod ng Taguig. Siya ang may-akda ng aklat na “Takipsilim: Mga Tula ng Pagninilay sa Buhay at Pag-ibig.” Sa kasalukuyan, kumukuha siya ng kursong AB Literature sa San Beda University – Manila.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: