Tula

Mga Dalit sa Inang Kalikasan

Mga bagyo’y nagtitipon,Hinagpis ang naiipon,Mga daho’y bumibilogPara maging bolang apoy! Ngayon, hubad sila’t mangmang,Tayong mga magsasaka,Bihisan ang kalikasan,Lipulin mga gahaman! Hubad ang baga ng mundoSa lasong buga ng karbon,Tao ay mga ‘di robot,Dapat maputol ang salot! Nag-iingay ang banyuhay,Buhaying muli ang uhay,Punit na ang kalangitanSa lalong mga gahaman! Lupa ang pinagkaitanNg kamay na naglilinang,Tambiolo ang […]

Mga bagyo’y nagtitipon,
Hinagpis ang naiipon,
Mga daho’y bumibilog
Para maging bolang apoy!

Ngayon, hubad sila’t mangmang,
Tayong mga magsasaka,
Bihisan ang kalikasan,
Lipulin mga gahaman!

Hubad ang baga ng mundo
Sa lasong buga ng karbon,
Tao ay mga ‘di robot,
Dapat maputol ang salot!

Nag-iingay ang banyuhay,
Buhaying muli ang uhay,
Punit na ang kalangitan
Sa lalong mga gahaman!

Lupa ang pinagkaitan
Ng kamay na naglilinang,
Tambiolo ang inampalan,
May goons pa na inupahan.

Hacienda’y may pinipino,
Sa angas waring tambutso,
Sa pagsunog nitong mundo
Umuunlad nga ba tayo?

Isang kulani ng gubat
May bumubukol sa dagat,
Nag-aalab na ang lupa,
Luhang tinatampisawan.

Illegal logging, minahan,
Mga ulo’y singkukunat!
Ang bawat patak ng ulan,
Luha ng gintong kalawang.

Sa lupang mga minana
Katutubo’y pinapaslang,
Lumad mga inialay—
Na dugo ng kaunlaran?

Daigdig ng kalikasan
Mundo ng pagmamahalan,
Tao’y mga ‘di mahukay
Mga dam, dugo ang kulay!

Iilang bansa yumaman,
Kalikasan ang puhunan,
Ang lalong mga gahaman,
Sa karbon nagtuturuan.

Kalikasan nating wasak,
Bayan natin pinaghirap,
Sa climate change na kaharap,
Mga ganid ang ibagsak!

Daigdig ng kalikasan
Mundo ng pagmamahalan,
May pag-asang makakamtan,
Tayong api ang mumulan.

Climate change, isa nang rehas
Na wala nang makatakas,
Mga sakim kung maawat,
Sagana ang sasambulat.

Mundo ng lupa’t bulaklak,
Karbon walang halimuyak,
Kitang armas ng tagumpay,
Digma itong magugutay!


Si Ronald Tumbaga, bukod sa tula, ay may naisulat nang siyam na maikling kuwentong nalimbag sa Liwayway Magazine mula 2004-2017; Ani 40 ng CCP; apat na kuwentong pambata sa Gawad Alagad Panitikan III (2018), literari dyornal ng Dawn Poets Society; Habang ang ilan ay na-broadcast sa 2013-2014 sa premyadong Radyo Balintataw-DZRH; pinakahuli ang bersyong pang-radyo ng Kantawentong ANAK NG BAYAN, Pebrero 4-5, 2019 na mula sa self-publish ng nasabing akda.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: