Kaawaan mo kami, yaong mga tao
Matapos nang lahat ang pagsusumamo
Lahat ay nakasalalay sa iyong kapangyarihan
At siyang magdidikta sa aming kapalaran
Demokrasyang tinatamasa ay ‘wag ipagkait
Kasarinlang hinahangad ay walang kapalit
Hirap na kinasadlakan, hindi na sana maulit
Sawa na sa pagdarahop at mga pasakit
Ikaw ay nahalal upang sa ami’y magligtas
Ngunit wala yatang pagbabago, tinatahak na landas
Maghihintay na lang ba sa’yong pahimakas
Upang kalayaa’y makamtan sa wakas
Ipagsasawalang bahala na lang ba ang lahat ng ito
Hindi ka na nasanay, hindi na natuto
Wala kang magagawa kundi ang manalangin
Poong iniluklok, maawa ka sa amin!
