Bagyo

Ang pagdating ni Ambo
Sa lupain ng mga labuyo
Na Waray at Bikolano,
At habang hinihintay ko
Siya sa bayan ni Sáro₁,
Mainit-matapang na barako
Ang ibinuhos ko sa aking apdo,
At habang ako’y nakaupo,
‘Di maiwasang bilangin ng aking ulo
Kung ilan pa ang mamamatay na tao
Sabay sa lawiswis ng hanging San Leonardo₂
At pahina ni Zhivago₃.

<sub>1. Tumutukoy sa tapayan na yari sa luwad, at mabilis at maliksi. Palayaw ito ng Pambansang Alagad Ng Sining Para Sa Literatura na si Lázaro Francisco.
2. Isang bayan sa Timog na bahagi ng Cabanatuan, Nueva Ecija. Malapit ito sa bayan ng Gapan, Nueva Ecija.
3. Doctor Zhivago. Nobela ni Boris Pasternak na nagwagi ng Nobel Prize For Literature noong 1959.</sub>

Si R. B. Abiva ay awtor at nagsusulat sa wikang Ilokano at Filipino, siya ay musikero, pintor, at iskultor.  Writing Fellow siya ng 58^th UPNWW (Tula), 11^th Palihang Rogelio Sicat (Maikling Kuwento), 6^th Cordillera Creative Writing Workshop (Tula), at 9^th Pasnaan- Jeremias A. Calixto Ilokano Writers Workshop (Daniw). Ang kanyang mga malikhaing akda ay nalathala na rin sa iba’t ibang magasin, pahayagan, at antolohiya. Ang SANIATA PRIZE 2019 (Ikalawang Gantimpala) ang pinakahuli niyang nasungkit na pagkilala. Sa ngayon ay kumukuha siya ng M.A- Malikhaing Pagsulat sa Unibersidad ng Pilipinas. Noong nakaraang taon ay kanyang itinatag ang Samahang Lazaro Francisco.